Það verður seint sagt um miðbæinn hér í Ås státi af mörgum búðum. Þær eru þó nokkrar og verð ég að segja að hér finn ég alltaf eitthvað spennandi. Það er t.d. gullsmiður, heilsubúð, gleraugnabúð, skóbúð, málningarbúð, myndavélabúð, hjólabúð,  og kaupfélag (Erik Johansen) þar sem er dótadeild, búsáhaldadeild, snyrtivörur og allskonar dóterí, hér er líka steinabúð, vefnaðavörubúð, blómabúð og að lokum uppáhaldsbúðin mín. Í uppáhaldsbúðinni minni fæst garn og föt. Ég sá kjól í vor í búðinni minni sem ég heillaðist af og hef mikið hugsað um, svolítið flippaður, litríkur, stutterma og náði niður á hné, úr bómull. Ég keypti kjólinn ekki því ég vissi að þetta merki (sjá hér) væri alltaf með þennan stíl en samt ekki alltaf í sömu útfærslu. Áðan tók ég mér göngutúr niðrí bæ, frelsinu fegin, búin að skila síðasta verkefni annarinnar með fyrirlestri og bara ánægð með mig. Ég kíkti í blómabúðina og svo í búðina mína, sá kjól frá spænska merkinu, hnésíður bómullarkjóll með síðum ermum, svartur með litríki ísaumaðri mynd og nú gekk ég lengra en að horfa - ég mátaði...........og.....
........... jamm ég lét vaða og keypt´ann!!!