Jamm...ég hef ekki verið sú duglegasta heldur í mataræðinu en hins vegar eru farin 2,9 kg! Mér reiknast svo til að það séu 6 vikur síðan ég byrjaði að vigta mig sem þýðir svona ca hálft kg á viku. Það er ég bara nokkuð ánægð með þegar ég hugsa út í það að ég er ekki 100% í mataræðinu...efast um að ég nái 50% ;) Dett stundum í nammiskápinn ennþá en samt mun minna en áður og það finnst mér bara góður árangur. Reyni alltaf að fara í mrl tímana hennar Önnu Berg sem skipta greinilega sköpum, annars væri sá litli árangur sem ég hef náð enn minni. Var að hugsa um að fara ekki á næsta námskeið vegna þess að mér fannst ég hafa svo mikið að gera, en ætla að halda áfram af því að ég hef bara gott af þessu. Burtséð frá hreyfingunni þá er þetta mín leið til að komast út af heimilinu þar sem ég vinn ekki utan heimilis. Og ég hef þannig séð ekkert mikið að gera, ef maður myndi bara skipuleggja sig betur þá myndi þetta allt hafast af og ég hefði nægan tíma aflögu :) Þannig að núna er bara að koma sér upp af sínum síminnkandi rassi og sparka duglega í hann ;)

Og Sigga mín...ekki vera of hörð við þig. Þú kannski stóðst ekki við það sem þú ætlaðir þér en eins og þú segir þá er nóg að gera hjá þér og þetta er alltaf erfiðara á meðan hlutirnir eru að komast í rútínu. Þetta kemur allt með kalda vatninu. Ég VEIT að þú getur þetta eins og allt annað sem þú ætlar þér þannig að það er þá bara að byrja. 100% rétt mataræði þarfnast náttúrulega skipulagningar og þú kannt sko alveg að skipuleggja þig. Fyrir einhverju síðan man ég eftir að hafa lesið um að þú værir að skipuleggja lærdóminn þannig að þú myndir læra 8 tíma á dag. Næsti skipulagningapakki hjá þér (ykkur fjölskyldunni) gæti verið að skipuleggja matseðil fyrir vikuna þar sem allir hafa sitt til málanna að leggja og þú gætir þá hugsað um hvernig hægt væri að gera máltíðirnar þannig að þær henti þínu mataræði betur.

En...það sem það eru ekki nema tæpir 2 mánuðir til jóla og prófatími framundan, þá myndi ég ekki vera að stressa mig of mikið á því að taka 3 kg fyrir jól. Ég veit að þér finnst þú þurfa að losna við þessi kíló og ég veit líka að þér á eftir að takast það, en ef ég væri í þínum sporum þá myndi ég slappa af það sem eftir lifir árs, og með því að "slappa af" meina ég að vera ekki að einblína á að taka af þér þessi 3 kg. Frekar bara vera dugleg að hreyfa þig, passa upp á mataræðið (reyna t.d. að hætta öllu nammiáti, þá fara nú kg fljótt) og allur léttingur fyrir áramót er bara plús :) Svo eftir áramótin þá tekurðu þetta með trompi! :D 6 kg eftir áramót fram að sumarfríi er bara pís of keik ef maður heldur sér við efnið :) Ég þarf einmitt líka að losna við 6 kg. 8 væru frábært, en ef 6 fara þá er ég á sama róli og ég var þegar ég varð ólétt af GH.

Fyrirgefðu ef þér finnst ég vera of afskiptasöm en þetta er að minnsta kosti það sem ég myndi ráðleggja þér að gera.

Gangi okkur vel í baráttunni :) Við getum þetta!!!

Risaknús til þín og ykkar!

Kv. Magga afskiptasama ;)

Hey, vá! Ég held að kommentið mitt hafi verið lengri en bloggfærslan þín! :D

ég kommentaði , ég ætlaði að vera með, ég man samt ekki hvað ég sagðist ætla að gera!!
ég er með, ég er ekki að standa mig 100% svo ég er líka svikari....
ég hef ekki staðið mig nógu vel í mataræðinu og sérstaklega ekki seinustu viku þegar allir voru veikir heima hjá mér
en ég er farin að hreyfa mig meira, blakið auðvitað, svo hef ég farið út með stafina og í gær byrjaði ég að hlaupa aftur jey
ég er sammála þér í sambandi við hreyfinguna, hún er númer eitt tvö og þrjú þannig léttist ég um 11 kg í fyrra og þannig ætla ég að léttast um önnur 11 núna.
HREYFA SIG
manni líður betur andlega og líkamlega, maður borðar hollar (ósjálfrátt) maður fær meira úthald bæði líkamlegt og andlegt, maður léttist og stirkist
jey förum út að hlaupa
knús á þig krúttið mitt

Hæ Sigga, hef ekki svo mikið sem kvittað hjá þér áður; en kíki reglulega á þig... Ég er búin að vera on/off DDV í uþb. 2 og hálft ár; fyrst fóru 12 kg, svo komu 8, svo fóru 6, svo komu fjögur... osfrv... og núna er eiginlega svo komið að þó ég sjái algjörlega skynsemina í DDV mataræðinu og ég veit vel að þetta virkar þá þurfti ég nýjan vinkil á þetta átaks dæmi allt saman. Var orðin svolítið heilaþvegin en samt erfiðara og erfiðara að “sæka” mig uppí að byrja, í enn eitt skiptið. Svo núna er ég byrjuð í fjarþjálfun hjá þessari stelpu:

http://blog.eyjan.is/ragganagli/

Og finnst það alveg frábært að fá aðeins “nýjar reglur” í mataræðið og markvisst æfingarprógram.. og þó þetta sé ekki nákvæmlega það sem þú ert að leita að þá mæli ég algjörlega með blogginu hennar; fullt af visku sem maður hefur gott af að heyra.

Gangi þér vel í baráttunni ;)

Kærar þakkir allar fyrir viðbrögðin og Áslaug hún Raggga nagli er ansi góð;)

Hæ!
Ég er ein af þeim sem ætlaði að vera memm, enda veitti ekki af - kílóin hafa hlaðist á mig s.l. ár. Ekki er ég þó á danska, heldur er ég í matarmeðferð hjá MFM-miðstöðinni þar sem fylgt er ákveðnu matarprógrammi auk þess að vinna með 12 spora kerfið.
Þið getið kynnt ykkur það á slóðinni: http://matarfikn.is/
Allt sem ég læt ofan í mig er vigtað og ég sleppi ákveðnum matartegundum sem vekja fíkn í það sem þarf að forðast. Þetta hefur gengið vægast sagt frábærlega vel - ég er aldrei svöng og langar mjög sjaldan í eitthvað annað en það sem er á mínum matseðli.
Síðan ég byrjaði, þann 12. september hef ég misst 6,5 kíló, svo ég er ánægð. Hreyfingin bíður betri tíma, nú er allur fókusinn á mataræðið - enda veit ég að þar verð ég að byrja.
Svo ég sendi baráttukveðjur - þetta er alltaf þungur róður en saman eru okkur allir vegir færir, ekki satt!
Knús og kossar frá mér ;-)

Glæsilegt hvað það gengur vel hjá þér Þórunn! :) Skiptir engu máli hvaða aðferð maður notar, bara ef maður nær árangri :)

Við getum sko allt sem við ætlum okkur, það er ekki spurning :)