Við Halla fórum út að skokka í gær, tókum svokallaða fartlek-æfingu þ.e. hlupum á ójöfnu yfirborði sem var m.a. tún með snjóhulu, reiðvegur, malarvegur og hált malbik. Tókum fullt af sprettum inn á milli og skokkuðum líka rólega.
Annars fór gærkvöldið í afslöppum og þessi hefðbundnu heimilisverk.
Í dag er það vinna sem felst aðallega í undirbúningi fyrir næstu viku en ég er að fara til Danmerkur á námskeið, undirbúningurinn flest í að lesa námsefnið. Ég legg af stað á sunnudag og verð á námskeiði til föstudagsins í næstu viku en þá ætlar Haukur að koma út og við hittumst í Köben og verðum þar fram á sunnudagskvöld þegar við fljúgum heim á leið.

Ég þarf einnig að skreppa í bankann á eftir með farmiðann minn til að geta keypt mér nokkrar danskar krónur en sem betur fer er allt fæði innifalið á meðan á námskeiðinu stendur - þannig að ég þarf aðeins að kaupa mat um helgina í Köben

Annars er þetta planið svona fyrir utan vinnutengingu: Kjúlli í kvöld að ósk drengjanna og á morgun neyðist ég til að fara að pakka niður í ferðatösku.

Ég lofa ykkur einu bloggi í viðbót áður en ég fer...... góða helgi!