Ég hef verið á ferð og flugi í vinnunni, flækist nú á milli bæja og kortlegg væntanleg skógræktarsvæði. Ekki amalegt í því veðri sem verið hefur síðustu daga og vikur
Við vorum heima um helgina. Mamma og pabbi komu á laugardag og gistu eina nótt. Síðan komu fleiri gestir á sunnudag í tilefni þriggja ára afmælis Þórðar Loga.
Við Haukur áttum tíu ára trúlofunar og sex ára brúðkaupsafmæli á mánudag og til að halda upp á það fórum við á jeppanum (campernum) þeirra mömmu og pabba upp í Langavatnsdal með nesti og hituðum okkur kaffi og kakó. Síðan var aðeins kíkt á berjasprettuna sem er GÓÐ. Inga og Keli voru samferða í þessari ferð og auðvitað Stefán Snær og Þórður Logi. Þegar heim var komið var grillað hjá Ingu og Kela og fyrsta "tékk" á kartöfluuppskerunni ásamt brokkoli úr garðinum okkar var smakkað, allt lofar þetta góðu - og desertinn kom Tedda með: aðalbláber með rjóma mmmmmmm.