Tja...maður getur útilokað ísskápinn þar sem hann er tiltölulega nýr...ef hins vegar þvottavélin bilar næst á eftir uppþvottavélinni þá held ég að það sé óhjákvæmilegt að þú bilist næst á eftir því...ég myndi að minnsta kosti bilast ef bæði þvottavél og uppþvottavél myndu detta út! ;)

Hins vegar þá er gamli gemsinn minn með einhver elliglöp, þannig að þetta er kannski smitandi...(skjárinn á nýja gemsanum gaf upp öndina eftir að gemsinn ákvað að stunda teygjustökk af öxlinni á mér og niður á gangstétt...gleymdi bara teygjunni, þannig að gamli gemsinn var tekinn í notkun aftur). Sá gamli hefur hins vegar tekið upp á því að sýna mér skilaboð sem ég sendi árið 2006, þótt ég sé löngu búin að eyða þeim út úr símanum, og tók líka upp á því að sýna "minni næstum fullt" tilkynningu þótt ég væri nýbúin að eyða öllu út úr "innhólfi" og "sendum skjölum"...skil þetta ekki...

En, sorrý...ætlaði ekki að fara að blogga á þinni síðu...skal reyna að hemja mig næst! ;)

Kv. Margrét