Þennan dag árið 1988 rölti ég í sól og blíðu inn í Hálskirkju í Fnjóskadal. Með í för var ein vinkona og skólasystir, ættingjar og vinir auk prestsins sr. Péturs Þórarinssonar. Það eru semsagt 20 ár síðan ég fermdist. Eitt af því sem ég man best frá þessum degi  er veðrið, það var svo gott veður og veislan var að hálfu leiti úti, allir hlaupandi inn og út. Ráðhildur móðursystir mín og hennar fjölskylda höfðu komið nokkrum dögum fyrr til að aðstoða við undirbúninginn og voru svo í nokkra daga á eftir því þetta vor fluttum við úr Fnjóskadalnum í Skagafjörð þar sem foreldrar mínir höfðu fest kaup á jörð.
Þetta var líka vorið sem ég fór að vinna í fyrsta skiptið annarsstaðar en heima hjá mér. Þetta var vorið sem framtíðarstarfið var sigtað út því ég fór að vinna hjá Skógrækt ríkisins í Vaglaskógi. Ég vann í ca mánuð frá því eftir skóla í maí og þar til við fluttum.
Ótrúlegt hvað tíminn líður