Nú er sunnudagsmorgunn og ég er komin út í vinnu til að læra - og þá er upplagt að henda inn einni bloggfærslu
Eftir að vinnu lauk á föstudag lærði ég fram að kvöldmat, algjör snilld að hafa aðgang að fyrirlestrunum á netinu og geta hlustað á þá hvar og hvenær sem er. Kvöldinu eyddi ég svo upp í sófa pökkuð í lopasokka, lopapeysu og undir ullarteppi, dottaði ansi mikið og sá glefsur úr bíómyndum kvöldsins.... hm ég get nú eiginlega ekkert sagt ykkur um  þær, því ég svaf mestan hluta kvöldsins.
Laugardagurinn (gærdagurinn) fór í það að koma heimilinu á réttan kjöl en eftir margar tilraunir til að byrja (eftir nokkra kaffibolla) gat ég loksins byrjað, ótrúlegt hverju ég kom í verk og nú hefst smá montupptalning bara fyrir mig (minni á að það er enginn að neyða ykkur að lesa þetta); þreif gluggana í stofunni, þurrkaði af, þreif baðherbergið, ryksugaði og skúraði, þvoði þvott OG braut saman og síðan það sem ég er stoltust af, ég tók til í þvottahúsinu!!! Á meðan á þessu stóð var Stefán að leika sér, Þórður var mestan part sofandi og síðan bara að dunda sér og Haukur var að vinna. Í gærkveldi buðum við svo Sirrý, Júlla, Berghildi og Ásgerði í mat - buðum upp á gúllassúpu og ís með heimalagaðri íssósu í eftirrétt. Settist svo með saumadótið mitt við sjónvarpið og horfði á eina mynd - án þess að sofna  
Dagurinn í dag verður helgaður lærdómi.